Nalalapat ang Patakaran sa Privacy ng Google sa (i) Google Voice Personal at (ii) paggamit ng Google Meet para magsagawa ng outbound na pag-dial at tumanggap ng mga inbound na tawag ("Telephony sa Google Meet") (at para sa mga layunin ng Paghahayag ng Privacy ng Google Telephony Services na ito, sama-samang tinutukoy ang Google Voice, Google Voice Personal, at Telephony sa Google Meet bilang "Google Telephony Services"). Nagbibigay ang Paghahayag ng Privacy ng Google Telephony Services ("Paghahayag") na ito ng karagdagang paliwanag tungkol sa kinokolektang impormasyon kapag ginagamit mo (isang "End User") ang Google Telephony Services, at sa paggamit at pag-share namin ng impormasyong iyon. Pakibasa ito, at ang Patakaran sa Privacy ng Google, nang mabuti.

Nalalapat ang Paghahayag na ito sa Google Telephony Services na iniaalok ng iba't ibang Google Telephony Services Provider (ang bawat isa ay "GTSP") sa loob ng Google group. Tutukuyin ang GTSP na magbibigay sa iyo ng Google Telephony Services batay sa billing address ng customer na nag-order ng mga serbisyo (ang "Customer") at lokasyon mo. Para sa Google Voice Personal, posibleng ikaw ang Customer at ang End User. Gumagamit din ang mga GTSP ng Mga Affiliate sa Google at non-Google na third-party na provider ("Mga Telephony Provider") para maibigay ang Google Telephony Services. Nakalista ang lahat ng GTSP (tinutukoy bilang "kami" sa Paghahayag na ito) at Telephony Provider sa, (i) para sa Google Voice at Google Voice Personal, https://workspace.google.com/terms/service-terms/voice/providers; at (ii) para sa Telephony sa Google Meet, https://workspace.google.com/terms/service-terms/meet-telephony/providers.html. Napapailalim ang bawat entity sa batas ng bansa kung saan ito na-incorporate.

Karagdagang impormasyong kinokolekta at ginagamit namin

Ipinapaliwanag sa Patakaran sa Privacy ng Google kung paano namin ginagamit ang impormasyong kinokolekta namin. Nakasaad sa ibaba ang karagdagang paliwanag tungkol sa kung paano namin ginagamit ang impormasyong kinokolekta ng Google Telephony Service.

Ang Google Workspace account ay isang Google Account na ginawa at pinapamahalaan ng iyong administrator ng domain.  Para sa Google Voice at Telephony sa Google Meet, posibleng ma-access at mapanatili ng iyong administrator ng domain at sinumang reseller na namamahala ng Google Workspace account mo ang impormasyong naka-store sa iyong account, tulad ng mga record ng tawag, text message, o voicemail mo. Para sa higit pang impormasyon tungkol sa data na kinokontrol ng mga administrator ng domain, pakibasa ang Patakaran sa Privacy ng Google. Walang administrador ng domain ang Google Voice Personal.

Kapag nagsumite ang Customer o ang isang End User ng request para mag-port ng kasalukuyang numero ng telepono sa Google Voice mula sa kasalukuyang carrier ng isang End User, makikipagpalit kami ng impormasyon sa pagmumulang carrier kabilang ang pangalan, address, at numero ng telepono. Mangongolekta rin kami ng personal na impormasyon nang direkta mula sa iyo batay sa paggamit ng Google Telephony Services. Kasama rito ang history ng tawag (kabilang ang numero ng telepono ng tumawag, numero ng telepono ng tinawagan, lokasyon, petsa, oras, at tagal ng tawag).

Ginagamit namin ang personal na impormasyong ito para singilin ang Customer at para sumunod sa mga naaangkop na batas at regulasyon kabilang ang (i) para sa pagbibigay ng mga lokal na numero ng telepono; (ii) para i-port ang impormasyon ng Customer o End User sa isang bagong service provider; (iii) para suportahan ang mga tawag sa mga serbisyong pang-emergency; at (iv) gaya ng inilalarawan sa ibaba sa "Impormasyong sine-share namin."

Hindi kami naghahatid ng mga ad sa Google Telephony Services o hindi kami gumagamit ng personal na impormasyong kinokolekta ng Google Telephony Services para sa mga layunin ng marketing o pag-advertise. Ginagamit lang ang data ng lokasyon na nauugnay sa iyong paggamit ng Google Telephony Service para sa mga layunin ng paghahatid ng komunikasyon sa isang electronic communications network, pagsingil, mga emergency na tawag, at para sumunod sa naaangkop na batas.

Impormasyong sine-share namin

• Ipinapaliwanag sa Patakaran sa Privacy ng Google kung paano namin sine-share ang impormasyong kinokolekta namin. Nakasaad sa ibaba ang karagdagang paliwanag tungkol sa kung paano namin sine-share ang impormasyong kinokolekta ng Google Telephony Services.

  • •  Posibleng i-share ang iyong personal na impormasyon sa Mga Telephony Provider kung kinakailangan para sumunod sa lahat ng naaangkop na batas at regulasyon sa (mga) nauugnay na hurisdiksyong nabanggit sa itaas, para mabigyang-daan ka at ang iba pang End User na wakasan ang mga tawag sa pampublikong naka-switch na network ng telepono (public switched telephone network o PSTN) at makatanggap ng mga tawag mula sa PSTN at para ma-enable ang pagsingil. Posibleng ibigay sa mga awtoridad na nangangasiwa ng mga emergency na tawag ang impormasyon sa lokasyon ng tumatawag.

  • • Posibleng i-require kami na magpanatili at magtabi ng ilang partikular na impormasyong makukuha namin sa pagbibigay ng Google Telephony Services (kabilang ang data ng history ng tawag) para sumunod sa naaangkop na batas, regulasyon, legal na proseso, o mga naipapatupad na request ng gobyerno.

  • • Posible kaming mag-access at maghayag ng impormasyon ng End User, gaya ng mga pangalan, address, numero ng telepono, record ng pagtawag, content ng mga komunikasyon, data ng lokasyon, impormasyon sa pagsingil, o anupamang impormasyong makokolekta sa pamamagitan ng paggamit ng Customer o paggamit mo ng Google Telephony Services, kung nire-require ng batas kabilang ang paghahayag sa mga awtoridad ng pamahalaan.

  • • Kung ginagamit mo ang Google Voice o Google Voice Personal, puwedeng ipakita ang iyong numero ng telepono sa taong tinawagan mo. Puwede mong malaman dito kung paano i-block ang iyong numero ng telepono para hindi ito ipakita.

Makipag-ugnayan sa amin

Para sa Google Voice at Telephony sa Google Meet, kung mayroon kang mga tanong tungkol sa pamamahala ng mga Google Workspace account o paggamit ng personal na impormasyon ng domain mo, makipag-ugnayan sa iyong administrator ng Google Workspace.

Kung mayroon kang mga tanong tungkol sa aming mga kagawian, pakibisita ang Security & Trust Center ng Google Workspace, o tingnan ang aming Patakaran sa Privacy ng Google. Tingnan din ang aming Troubleshooter ng Privacy para sa higit pang impormasyon tungkol sa privacy at mga produkto at serbisyo ng Google. Puwedeng makipag-ugnayan sa amin ang mga administrator ng Google Workspace tungkol sa impormasyon sa Paghahayag na ito sa pamamagitan ng pagsusumite ng form sa pakikipag-ugnayan habang naka-sign in sa kanilang administrator account.