Google Workspace

Online na Kasunduan sa Google Workspace

Upang hindi ka mahirapan, bibigyan ka namin ng kopya ng mga tuntunin sa ibaba na isinalin sa wikang bukod pa sa Ingles. Ngunit pakitandaan na ikaw o ang Google ay hindi magkakaroon ng legal na pananagutan dahil sa bersyon ng mga tuntunin na ito na nasa wikang hindi Ingles. Sa halip, ang bersyong nasa wikang Ingles ng mga tuntunin na ito, na available dito: www.google.com/apps/terms/premier_terms_prepay.html, ay ang bersyon na magbibigay ng legal na pananagutan sa pagitan mo at ng Google.

Pumunta sa Mga Karagdagang Tuntunin para sa mga serbisyong ginawang available sa bagong imprastraktura ng mga account.

*Ang mga tuntuning nasa ibaba ay para sa mga taunang prepay na customer. Mangyaring mag-click dito upang makita ang mga tuntunin para sa buwanang postpay na pagsingil.

  • Ang Online na Kasunduan (ang "Kasunduan") ay pinapasukan ng at sa pagitan ng Google Inc., isang korporasyon sa Delaware, na may mga opisina sa 1600 Amphitheatre Parkway, Mountain View, California 94043 ("Google") at ng entity na sumasang-ayon sa mga tuntuning ito ("Customer"). Magkakaroon ng bisa ang Kasunduang ito sa mismong petsa kung kailan iki-click mo ang button na "Tinatanggap Ko" sa ibaba o, kung naaangkop, sa petsa kung kailan maka-countersign ang Kasunduan (ang "Petsa ng Pagkakaroon ng Bisa"). Kung tatanggapin mo ito sa ngalan ng iyong employer o isa pang entity, kinakatawan at pinapatunayan mo na: (i) mayroon kang ganap na legal na awtoridad na ipasailalim ang iyong employer, o ang naaangkop na entity, sa mga tuntunin at kundisyon na ito; (ii) nabasa at nauunawaan mo ang Kasunduang ito; at (iii) sumasang-ayon ka, sa ngalan ng partidong kinakatawan mo, sa Kasunduang ito. Kung wala kang legal na awtoridad na ipasailalim ang iyong employer o ang naaangkop na entity, mangyaring huwag i-click ang button na "Tinatanggap Ko" sa ibaba (o, kung naaangkop, huwag lagdaan ang Kasunduang ito). Napapailalim sa Kasunduang ito ang access at paggamit ng Customer sa Mga Serbisyo.

    • 1. Mga Serbisyo.

      • 1.1 Mga Pasilidad at Paglilipat ng Data. Ang lahat ng pasilidad na ginagamit upang mag-imbak at magproseso ng Data ng Customer ay susunod sa mga makatuwirang pamantayan sa seguridad na kasinghigpit ng mga pamantayan sa seguridad sa mga pasilidad kung saan iniimbak at pinoproseso ng Google ang sarili nitong impormasyon na may kaparehong uri. Nagpatupad ang Google ng mga system at pamamaraan na kadalasang ginagamit sa industriya upang matiyak ang seguridad at pagiging kumpidensyal ng Data ng Customer, magprotekta laban sa mga inaasahang banta o peligro sa seguridad o integridad ng Data ng Customer at magprotekta laban sa hindi pinapahintulutang pag-access sa o paggamit ng Data ng Customer. Bilang bahagi ng pagbibigay ng Mga Serbisyo, maaaring ilipat, iimbak at iproseso ng Google ang Data ng Customer sa Estados Unidos o iba pang bansa kung saan may mga pasilidad ang Google o ang mga ahente nito. Sa pamamagitan ng paggamit sa Mga Serbisyo, pinapahintulutan ng Customer ang paglilipat, pagpoproseso at pag-iimbak ng Data ng Customer na ito.

      • 1.2 Mga Pagbabago.

        • a. Sa Mga Serbisyo. Ang Google ay maaaring pana-panahong gumawa ng mga pagbabago sa Mga Serbisyo na makatuwiran ayon sa komersyo. Kung gagawa ang Google ng malaking pagbabago sa Mga Serbisyo, ipagbibigay-alam ito ng Google sa Customer, kung nag-subscribe ang Customer sa Google upang masabihan tungkol sa naturang pagbabago.

        • b. Sa Mga Tuntunin ng URL. Maaaring gumawa pana-panahon ang Google ng mga pagbabagong makatwiran ayon sa komersyo sa Mga Tuntunin ng URL. Kung gagawa ang Google ng mahalagang pagbabago sa Mga Tuntunin ng URL, ipagbibigay-alam ng Google sa Customer sa pamamagitan ng pagpapadala ng email sa Email Address sa Notification o pag-alerto sa Customer gamit ang Admin Console. Kung ang pagbabago ay may malaki at hindi magandang epekto sa Customer at hindi sumasang-ayon ang Customer sa pagbabago, dapat itong ipagbigay-alam ng Customer sa Google sa pamamagitan ng Help Center sa loob ng tatlumpung araw pagkatapos makatanggap ng paunawa tungkol sa pagbabago. Kung mag-aabiso ang Customer sa Google gaya ng iniaatas, ang Customer ay mananatiling saklaw ng mga tuntuning ipinapatupad bago mismo ang pagbabago hanggang sa katapusan ng Tuntunin ng Mga Serbisyo sa panahong iyon para sa mga apektadong Serbisyo. Kung ire-renew ang mga apektadong Serbisyo, ire-renew ang mga ito sa ilalim ng Mga Tuntunin sa URL ng Google sa panahong iyon.

      • 1.3 Pagmamay-ari ng Domain Name ng Customer. Bago ibigay ang Mga Serbisyo, maaaring i-verify ng Google na pag-aari o kinokontrol ng Customer ang Mga Domain Name ng Customer. Kung hindi pag-aari o kinokontrol ng Customer ang Mga Domain Name ng Customer, walang obligasyon ang Google na ibigay sa Customer ang Mga Serbisyo.

      • 1.4 Mga Ad. Ang default na setting para sa Mga Serbisyo ay ang setting na hindi nagpapahintulot sa Google na maghatid ng Mga Ad. Maaaring baguhin ng Customer ang setting na ito sa Admin Console, na ituturing na pahintulot ng Customer sa Google na maghatid ng Mga Ad. Kung i-e-enable ng Customer ang paghahatid ng Mga Ad, maaari itong bumalik sa default na setting kahit kailan at ihihinto ng Google ang paghahatid ng Mga Ad.

      • 1.5 Google Vault. Kung bibilhin ng Customer ang Google Vault, malalapat ang mga sumusunod na karagdagang tuntunin:

        • a. Pagpapanatili. Walang obligasyon ang Google na panatilihin ang anumang naka-archive na Data ng Customer kapag lumampas na ang panahon ng pagpapanatili na tinukoy ng Customer (maliban kung para sa anumang legal hold). Kung hindi ire-renew ng Customer ang Google Vault, hindi magkakaroon ang Google ng obligasyong panatilihin ang anumang naka-archive na Data ng Customer.

        • b. Mga Karagdagang Pagbili. Maliban na lang kung payagan ng Google ang kabaligtaran, sa bawat karagdagang pagbili ng Mga End User Account para sa Mga Serbisyo pagkatapos bilhin ng Customer ang Google Vault, magkakaroon ng access ang Customer sa, at bibigyan siya ng invoice para sa, Google Vault para sa parehong bilang na iyon ng Mga End User Account.

    • 2. Mga Obligasyon ng Customer.

      • 2.1 Pagsunod. Gagamitin ng Customer ang Mga Serbisyo alinsunod sa Patakaran sa Katanggap-tanggap na Paggamit. Maaaring pana-panahong gawing available ng Google ang mga bagong feature o functionality ng mga application para sa Mga Serbisyo, at ang paggamit ng mga ito ay maaaring nakadepende sa pagsang-ayon ng Customer sa mga karagdagang tuntunin. Bukod pa rito, gagawing available ng Google ang iba pang Produktong Hindi Google Workspace (higit sa Mga Serbisyo) para sa Customer at sa Mga End User nito, alinsunod sa Mga Tuntunin ng Mga Produktong Hindi Google Workspace at sa mga naaangkop na tuntunin ng serbisyo ng Google na partikular sa produkto. Kung hindi gusto ng Customer na i-enable ang anuman sa Mga Produktong Hindi Google Workspace, maaaring i-enable o i-disable ng Customer ang mga ito anumang oras sa pamamagitan ng Admin Console.

      • 2.2 Mga Alias. Ang Customer lang ang mga responsibilidad na subaybayan ang pagtugon sa at kung hindi man ay pagpoproseso ng mga email na ipinapadala sa mga alias na "maling paggamit" at "postmaster" para sa Mga Domain Name ng Customer, ngunit maaaring subaybayan ng Google ang mga email na ipinapadala sa mga alias na ito para sa Mga Domain Name ng Customer upang magawa ng Google na tukuyin ang maling paggamit sa Mga Serbisyo.

      • 2.3 Pangangasiwa ng Customer sa Mga Serbisyo. Ang Customer ay maaaring tumukoy ng isa o higit pang mga Administrator sa pamamagitan ng Admin Console na magkakaroon ng mga karapatang i-access ang (mga) Admin Account at pangasiwaan ang Mga End User Account. Pananagutan ng Customer ang: (a) pagpapanatili sa pagiging kumpidensyal ng password at (mga) Admin Account; (b) pagtatalaga sa mga indibidwal na iyon na pinapahintulutang mag-access sa (mga) Admin Account; at (c) pagtiyak na ang lahat ng aktibidad na nagaganap kaugnay sa (mga) Admin Account ay sumusunod sa Kasunduan. Sumasang-ayon ang Customer na hindi kasama sa mga responsibilidad ng Google ang panloob na pamamahala o pangangasiwa ng Mga Serbisyo para sa Customer at tagaproseso lang ng data ang Google.

      • 2.4 Pahintulot ng End User. Ang mga Administrator ng Customer ay maaaring magkaroon ng kakayahang i-access, subaybayan, gamitin o ilahad ang data na available sa Mga End User sa loob ng Mga End User Account. Makukuha at mapapanatili ng Customer ang lahat ng kinakailangang pahintulot mula sa Mga End User upang payagan ang: (i) pag-access, pagsubaybay, paggamit at paglalahad ng Customer sa data na ito at upang maibigay ng Google sa Customer ang kakayahang gawin iyon at (ii) upang maibigay ng Google ang Mga Serbisyo.

      • 2.5 Hindi Pinapahintulutang Paggamit. Magsasagawa ang Customer ng mga pagsusumikap na makatuwiran ayon sa komersyo upang mapigilan ang hindi pinapahintulutang paggamit ng Mga Serbisyo at upang mawakasan ang anumang hindi pinapahintulutang paggamit. Ipagbibigay-alam kaagad ng Customer sa Google ang tungkol sa anumang hindi pinapahintulutang paggamit sa o pag-access ng Mga Serbisyo na malalaman niya.

      • 2.6 Mga Paghihigpit sa Paggamit. Maliban na lang kung partikular na sumang-ayon ang Google sa pasulat na paraan, hindi gagawin ng Customer ang mga sumusunod, at gagawa siya ng mga pagsusumikap na makatuwiran ayon sa komersyo upang matiyak na hindi magagawa ng third party ang mga ito: (a) ibenta, muling ibenta, ipaarkila o ang katumbas na paggamit, ang Mga Serbisyo sa isang third party (maliban na lang kung malinaw na pinahintulutan sa Kasunduang ito); (b) subukang i-reverse engineer ang Mga Serbisyo o anumang bahagi; (c) subukang gumawa ng kahalili o katulad na serbisyo sa pamamagitan ng paggamit ng, o pag-access sa Mga Serbisyo; (d) gamitin ang Mga Serbisyo para sa Mga Aktibidad na Mataas ang Peligro; o (e) gamitin ang Mga Serbisyo upang iimbak o ilipat ang anumang Data ng Customer na kinokontrol para sa pag-export sa ilalim ng Mga Batas sa Pagkontrol ng Pag-export. Ang Customer lang ang may responsibilidad para sa anumang naaangkop na pagsunod sa HIPAA.

      • 2.7 Mga Kahilingan ng Third Party. Responsibilidad ng Customer na tugunan ang Mga Kahilingan ng Third Party. Gagawin ng Google ang mga sumusunod, hangga't pinapayagan ng batas at ng mga tuntunin ng Kahilingan ng Third Party: (a) ipagbigay-alam kaagad sa Customer ang tungkol sa pagtanggap nito ng Kahilingan ng Third Party; (b) sumunod sa mga makatuwirang kahilingan ng Customer hinggil sa mga pagsusumikap nito na labanan ang isang Kahilingan ng Third Party; at (c) ibigay sa Customer ang impormasyon o mga tool na kinakailangan upang matugunan ng Customer ang Kahilingan ng Third Party. Susubukan muna ng Customer na makuha ang impormasyong kinakailangan upang matugunan ang Kahilingan ng Third Party nang mag-isa at makikipag-ugnayan lang siya sa Google kung hindi niya makukuha ang naturang impormasyon sa makatuwirang paraan.

    • 3. Pagbabayad.

      • 3.1 Pagbabayad. Ang lahat ng dapat bayaran ay nasa U.S. dollars, maliban na lang kung iba ang nakasaad sa Page ng Order o invoice.

        • a. Mga Order sa Credit Card. Ang mga bayarin para sa mga order sa Credit Card ay dapat bayaran kaagad kapag nakapag-order na. Sisingilin ng Google ang credit card na ibinigay sa pamamagitan ng Page ng Order para sa lahat ng naaangkop na Bayarin kapag dapat nang bayaran ang mga ito. Kung tatanggihan ang mga pahintulot sa credit card at pagsubok na maningil, maaaring i-disable o kanselahin kaagad ng Google ang Mga Serbisyo sa sarili nitong pagpapasya.

        • b. Mga Order ng Invoice. Ang mga bayarin para sa mga order kung saan nagbibigay ang Google ng invoice ay dapat bayaran kapag natanggap na ng Customer ang invoice at ituturing ito na lampas na sa takdang petsa ng pagbabayad tatlumpung araw pagkatapos ng petsa ng naaangkop na invoice.

      • 3.2 Mga Naantalang Pagbabayad. Ang mga naantalang pagbabayad ay maaaring magkaroon ng interes sa rate na isa at kalahating porsyento bawat buwan (o ang pinakamataas na rate na pinapayagan ng batas kung mas mababa) simula sa petsa kung kailan dapat magbayad hanggang sa mabayaran ito nang buo. Babayaran ang Customer ang lahat ng makatuwirang gastos (kasama na ang mga singil ng mga abugado) na maiipon ng Google sa pagkuha ng mga naturang naantalang halaga, maliban na lang kung ang mga naantalang halaga ay dulot ng mga pagkakamali sa pagsingil ng Google.

      • 3.3 Mga Buwis. Babayaran ng Customer ang anumang Mga Buwis at babayaran ng Customer ang Google para sa Mga Serbisyo nang walang anumang bawas para sa Mga Buwis. Kung aatasan ang Google na maningil o magbayad ng Mga Buwis, ii-invoice ang Mga Buwis sa Customer maliban na lang kung bibigyan ng Customer ang Google ng wastong certificate ng tax exemption na ibinigay ng naaangkop na awtoridad sa pagbubuwis. Kung inaatasan ng batas ang Customer na huwag isama ang anumang Mga Buwis sa mga ibabayad niya sa Google, dapat magbigay ang Customer sa Google ng opisyal na resibo ng buwis o iba pang naaangkop na dokumentasyon upang suportahan ang mga naturang pagbabayad.

    • 4. Mga Serbisyo ng Teknikal na Suporta.

      • 4.1 Ng Customer. Tutugunan ng Customer, sa sarili niyang gastos, ang mga tanong at reklamo mula sa Mga End User o mga third party na nauugnay sa paggamit ng Customer o Mga End User sa Mga Serbisyo. Gagawa ang Customer ng mga pagsusumikap na makatuwiran ayon sa komersyo upang maresolba ang mga isyu sa suporta bago iparating ang mga ito sa Google.

      • 4.2 Ng Google. Kung hindi mareresolba ng Customer ang isang isyu sa suporta na naaayon sa nasa itaas, maaaring iparating ng Customer ang isyu sa Google alinsunod sa Mga Alintuntunin ng TSS. Magbibigay ang Google ng TSS sa Customer alinsunod sa Mga Alintuntunin ng TSS.

    • 5. Pagsususpinde.

      • 5.1 Ng Google sa Mga End User Account. Kung mapag-alaman ng Google ang tungkol sa paglabag ng isang End User sa Kasunduan, maaaring partikular na hilingin ng Google na Suspindehin ng Customer ang naaangkop na End User Account. Kung hindi susunod ang Customer sa kahilingan ng Google na Suspindehin ang isang End User Account, maaaring ang Google na mismo ang gumawa nito. Mananatiling may bisa ang Pagsususpinde ng Google hanggang sa maresolba ng naaangkop na End User ang paglabag na nagdulot ng Pagsususpinde.

      • 5.2 Mga Pang-emergency na Isyu sa Seguridad. Nang hindi alintana ang naunang nabanggit, kung magkakaroon ng Pang-emergency na Isyu sa Seguridad, maaaring awtomatikong suspindehin ng Google ang lumalabag na paggamit. Ang pagsusupinde ay mananatiling may bisa sa loob ng minimum na haba ng panahong kinakailangan upang mapigilan o maresolba ang Pang-emergency na Isyu sa Seguridad. Kung Sususpindehin ng Google ang isang End User Account para sa anumang dahilan nang hindi muna ito ipinagbibigay-alam sa Customer, kapag hiniling ito ng Customer, ibibigay ng Google sa Customer ang dahilan ng Pagsususpinde sa lalong madaling panahon.

    • 6. Kumpidensyal na Impormasyon.

      • 6.1 Mga Obligasyon. Gagawin ng bawat partido ang mga sumusunod: (a) protektahan ang Kumpidensyal na Impormasyon ng kabilang partido gamit ang parehong pamantayan sa pangangalaga na ginagamit nito upang protektahan ang sarili nitong Kumpidensyal na Impormasyon; at (b) huwag ilahad ang Kumpidensyal na Impormasyon, maliban na lang sa mga Affiliate, empleyado at ahenteng kailangang makaalam nito at sa mga sumang-ayon na panatilihin itong kumpidensyal sa pasulat na paraan. Ang bawat partido (at sinumang mga empleyado at ahente ng Mga Affiliate na binigyan nito ng Kumpidensyal na Impormasyon) ay maaari lang gumamit ng Kumpidensyal na Impormasyon upang gamitin ang mga karapatan at tuparin ang mga obligasyon nito sa ilalim ng Kasunduang ito, habang gumagamit ng makatuwirang pangangalaga upang protektahan ito. May pananagutan ang bawat partido para sa anumang mga pagkilos ng mga empleyado at ahente ng Mga Affiliate nito na lalabag sa Seksyong ito.

      • 6.2 Mga Pagbubukod. Hindi kasama sa Kumpidensyal na Impormasyon at impormasyon na: (a) alam na ng tatanggap ng Kumpidensyal na Impormasyon; (b) malalaman ng publiko nang hindi dahil sa tatanggap; (c) sariling binuo ng tatanggap; o (d) ibinigay ng ibang partido sa tatanggap sa tamang paraan.

      • 6.3 Kinakailangang Paglalahad. Maaaring ilahad ng bawat partido ang Kumpidensyal na Impormasyon ng kabilang partido kapag iniaatas ng batas, ngunit maaari lang itong magawa pagkatapos nitong, kung pinapayagan ng batas: (a) gumawa ng mga pagsusumikap na makatuwiran ayon sa komersyo upang abisuhan ang kabilang partido; at (b) bigyan ang kabilang partido ng pagkakataong tutulan ang paglalahad.

    • 7. Mga Karapatan sa Intelektwal na Ari-arian; Mga Feature ng Brand.

      • 7.1 Mga Karapatan sa Intelektwal na Ari-arian. Maliban na lang kung malinaw na itinakda rito, ang Kasunduang ito ay hindi nagbibigay sa magkabilang partido ng anumang mga karapatan, ipinahiwatig man o hindi, sa content ng isa't isa o anuman sa intelektwal na ari-arian ng isa't isa. Sa pagitan ng mga partido, pag-aari ng Customer ang lahat ng Karapatan sa Intelektwal na Ari-arian sa Data ng Customer at pag-aari ng Google ang lahat ng Karapatan sa Intelektwal na Ari-arian sa Mga Serbisyo.

      • 7.2 Pagpapakita ng Mga Feature ng Brand. Maaaring ipakita ng Google ang Mga Feature ng Brand ng Customer na iyon na pinahintulutan ng Customer (ang naturang pahintulot ay ibinibigay ng Customer na mag-a-upload ng Mga Feature ng Brand niya sa Mga Serbisyo) sa loob ng mga nakatakdang bahagi ng Mga Page ng Serbisyo. Maaaring tukuyin ng Customer ang katangian ng paggamit na ito gamit ang Admin Console. Maaari rin ipakita ng Google ang Mga Feature ng Brand ng Google sa Mga Page ng Serbisyo upang ipabatid na ang Mga Serbisyo ay hatid ng Google. Hindi maaaring ipakita o gamitin ng anumang partido ang Mga Feature ng Brand ng kabilang partido nang lampas sa pinapayagan sa Kasunduang ito nang wala ang paunang nakasulat na pahintulot ng kabilang partido.

      • 7.3 Limitasyon sa Mga Feature ng Brand. Ang anumang paggamit sa Mga Feature ng Brand ng isang partido ay magdudulot ng pakinabang sa partidong may hawak ng Mga Karapatan sa Intelektwal na Ari-arian para sa Mga Feature ng Brand na iyon. Maaaring bawiin ng isang partido ang karapatan ng kabilang partido na gamitin ang Mga Feature ng Brand nito alinsunod sa Kasunduang ito nang may nakasulat na paunawa sa kabilang partido at makatuwirang panahon upang ihinto ang paggamit.

    • 8. Pagsasapubliko. Sumasang-ayon ang Customer na maaaring isama ng Google ang pangalan ng Customer o ang Mga Feature ng Brand sa isang listahan ng mga customer ng Google, online o sa mga pampromosyong materyal. Sumasang-ayon din ang Customer na maaaring tukuyin sa salita ng Google ang Customer bilang customer ng mga produkto o serbisyo ng Google na paksa ng Kasunduang ito. Napapailalim sa Seksyon 7.3 ang seksyong ito.

    • 9. Mga Pahayag, Warranty, at Disclaimer.

      • 9.1 Mga Pagpapahayag at Warranty. Ipinapahayag ng bawat partido na mayroon itong ganap na kapangyarihan at awtoridad upang pumasok sa Kasunduan. Ginagarantiya ng bawat partido na susunod ito sa lahat ng batas at regulasyong naaangkop na pagbibigay nito, o paggamit ng Mga Serbisyo, kung naaangkop (kasama na ang naaangkop na batas sa pagbibigay-alam tungkol sa paglabag sa seguridad). Ginagarantiyahan ng Google na ibibigay nito ang Mga Serbisyo alinsunod sa naaangkop na SLA.

      • 9.2 Mga Disclaimer. ALINSUNOD SA PINAKAMALAWAK NA SAKLAW NA PINAPAHINTULUTAN NG NAAANGKOP NA BATAS, MALIBAN NA LANG KUNG TAHASANG ITINAKDA PARA SA NABANGGIT, HINDI MAGBIBIGAY ANG ALINMANG PARTIDO NG ANUMANG URI NG WARRANTY, TAHASAN MAN, IPINAHIWATIG, INIAATAS NG BATAS O IBA PA, KASAMA NANG WALANG LIMITASYON ANG MGA WARRANTY SA KAKAYAHANG MAIKALAKAL, KAANGKUPAN PARA SA ISANG PARTIKULAR NA PAGGAMIT AT HINDI PAGLABAG. WALANG IPINAPAHAYAG ANG GOOGLE TUNGKOL SA ANUMANG CONTENT O IMPORMASYONG GINAGAWANG NAA-ACCESS NG O SA PAMAMAGITAN NG MGA SERBISYO. KINIKILALA NG CUSTOMER NA HINDI PARA SA PAGTAWAG ANG MGA SERBISYO AT WALANG KAKAYAHAN ANG MGA SERBISYO NA TUMAWAG O SUMAGOT NG ANUMANG MGA TAWAG, KASAMA NA ANG MGA PAGTAWAG SA MGA PANG-EMERGENCY NA SERBISYO SA PAMAMAGITAN NG MGA PUBLICLY SWITCHED TELEPHONE NETWORK.

    • 10. Tuntunin.

      • 10.1 Termino ng Kasunduan. Mananatiling may bisa ang Kasunduang ito sa loob ng Termino.

      • 10.2 Termino ng Mga Serbisyo at Mga Pagbili sa Panahon ng Termino ng Mga Serbisyo. Ibibigay ng Google ang Mga Serbisyo sa Customer sa panahon ng Termino ng Mga Serbisyo. Maliban na lang kung iba ang mapagkasunduan ng mga partido sa pasulat na paraan, ang Mga End User Account na bibilhin sa panahon ng anumang Termino ng Mga Serbisyo ay magkakaroon ng prorated na terminong magtatapos sa huling araw ng Termino ng Mga Serbisyo na iyon

      • 10.3 Awtomatikong Pag-renew. Sa katapusan ng bawat Termino ng Mga Serbisyo, awtomatikong mare-renew ang Mga Serbisyo (at ang lahat ng End User Account na dating binili) para sa karagdagang Termino ng Mga Serbisyo na labindalawang buwan bilang default. Magbabayad ang Customer sa Google ng taunang Mga Bayarin sa panahong iyon para sa bawat mare-renew na End User Account, maliban na lang kung iba ang mapagkasunduan ng Customer at Google. Maaaring baguhin ng Customer ang bilang ng Mga End User Account na ire-renew sa pamamagitan ng pagbibigay ng naaangkop na bilang ng mga account na ire-renew sa pamamagitan ng Admin Console. Kung hindi gusto ng Google na ma-renew ang Mga Serbisyo, magbibigay ito sa Customer ng nakasulat na paunawa na magbabanggit nito nang hindi bababa sa labinlimang araw bago ang katapusan ng Termino ng Mga Serbisyo sa panahong iyon. Magkakaroon ng bisa ang paunawa sa hindi pag-renew na ito kapag nagwakas na ang Termino ng Mga Serbisyo sa panahong iyon.

      • 10.4 Pagdi-disable ng Awtomatikong Pag-renew. Maaaring i-disable ng Customer ang opsyon na awtomatikong pag-renew sa pamamagitan ng Admin Console. Kung idi-disable ng Customer ang setting ng awtomatikong pag-renew na ito, magwawakas ang Mga End User Account ng Customer sa katapusan ng termino sa panahong iyon. Maaaring muling i-enable ng Google ang setting ng awtomatikong pag-renew sa ngalan ng Customer kung babawasan o babaguhin ng Customer ang bilang ng Mga End User Account na nakaiskedyul para sa pag-renew sa pamamagitan ng Admin Console.

      • 10.5 Paghiling ng Mga End User Account. Ang Customer ay maaaring humiling ng Mga End User Account sa pamamagitan ng: (i) pagbibigay ng abiso sa kanyang nakatalagang Google Account Manager; o (ii) pag-order ng Mga End User Account sa pamamagitan ng Admin Console.

      • 10.6 Pagbabago ng Mga Rate. Maaaring baguhin ng Google ang mga rate nito para sa sumusunod na Termino ng Mga Serbisyo sa pamamagitan ng pagbibigay sa Customer ng nakasulat na paunawa (na maaaring sa pamamagitan ng email) nang hindi bababa sa tatlumpung araw bago ang simula ng susunod na Termino ng Mga Serbisyo.

    • 11. Pagwawakas.

      • 11.1 Pagwawakas dahil sa Paglabag. Maaaring suspindehin ng alinmang partido ang pagsasagawa ng Kasunduan o wakasan ito kung: (i) magkakaroon ng malalang paglabag ang kabilang partido sa Kasunduan at hindi nito iyon mareresolba sa loob ng tatlumpung araw pagkatapos makatanggap ng nakasulat na paunawa; (ii) ihihinto ng kabilang partido ang mga pagpapatakbo sa negosyo nito o sasailalim sa mga pagdinig para sa pagkabangkarote at hindi mareresolba ang mga pagdinig sa loob ng siyamnapung araw; o kung (iii) may malinaw na paglabag ang kabilang partido sa Kasunduang ito nang mahigit sa dalawang beses, maresolba man o hindi ang mga naturang paglabag.

      • 11.2 Mga Epekto ng Pagwawakas. Kung magwawakas ang Kasunduang ito: (i) agad na mawawala ang mga karapatang ibinigay ng isang partido sa kabilang partido (maliban na lang kung ayon sa nakatakda sa Seksyong ito); (ii) bibigyan ng Google ang Customer ng access sa, at ng kakayahang i-export ang Data ng Customer sa loob ng yugto ng panahon na makatuwiran ayon sa komersyo sa mga rate ng Google para sa naaangkop na Mga Serbisyo sa panahong iyon; (iii) pagkatapos ng yugto ng panahon na makatuwiran ayon sa komersyo, ide-delete ng Google ang Data ng Customer sa pamamagitan ng pag-aalis ng mga pointer na tumuturo rito sa mga aktibong server ng Google at pagpapatong ng ibang data rito sa paglipas ng panahon; at (iv) kapag hiniling, agad na magsasagawa ang bawat partido ng mga pagsusumikap na makatuwiran ayon sa komersyo upang ibalik o alisin ang lahat ng Kumpidensyal na Impormasyon ng kabilang partido.

    • 12. Pagbabayad-pinsala.

      • 12.1 Ng Customer. Hindi pagbabayarin ng danyos, ipagtatanggol at hindi papanagutin ng Customer ang Google mula sa at laban sa lahat ng sagutin, danyos at gastos (kasama na ang mga gastos sa pakikipag-areglo at mga makatuwirang singil ng mga abugado) na magmumula sa claim ng isang third party: (i) hinggil sa Data ng Customer o Mga Domain Name ng Customer; (ii) na lumalabag ang Mga Feature ng Brand ng Customer sa anumang patent, copyright, lihim sa kalakalan o trademark ng isang third party o ginagamit nito ang mga iyon nang walang pahintulot; o (iii) hinggil sa paggamit ng Customer sa Mga Serbisyo na lumalabag sa Patakaran sa Katanggap-tanggap na Paggamit.

      • 12.2 Ng Google. Hindi pagbabayarin ng danyos, ipagtatanggol at hindi papanagutin ng Google ang Customer mula sa at laban sa lahat ng sagutin, danyos at gastos (kasama na ang mga gastos sa pakikipag-areglo at mga makatuwirang singil ng mga abugado) na magmumula sa isang claim ng third party na ang teknolohiya ng Google na ginagamit upang ibigay ang Mga Serbisyo o anumang Feature ng Brand ng Google ay lumalabag sa o ginagamit nang walang pahintulot ang anumang patent, copyright, lihim sa kalakalan o trademark ng naturang third party. Sa kabila ng nabanggit, hindi kailanman magkakaroon ang Google ng anumang mga obligasyon o sagutin sa ilalim ng Seksyong ito na magmumula sa: (i) paggamit ng anumang Mga Serbisyo o Mga Feature ng Brand ng Google sa binagong anyo o kasama ng mga materyal na hindi ibinigay ng Google, at (ii) anumang content, impormasyon o data na ibinibigay ng Customer, Mga End User o iba pang mga third party.

      • 12.3 Posibleng Paglabag.

        • a. Pagbabago, Pagpapalit o Pagbabago. Kung may makatuwirang dahilan ang Google upang maniwala na lumalabag ang Mga Serbisyo sa Mga Karapatan sa Intelektwal na Ari-arian ng isang third party, gagawin ng Google ang mga sumusunod: (a) kunin ang karapatan para sa Customer, at ang Google ang magbabayad para rito, upang patuloy na magamit ang Mga Serbisyo; (b) magbigay ng kapalit na hindi lumalabag at may parehong function; o (c) baguhin ang Mga Serbisyo upang hindi na lumabag ang mga ito.

        • b. Pagsususpinde o Pagwawakas. Kung hindi naniniwala ang Google na makatuwiran ang mga nabanggit na opsyon ayon sa komersyo, maaaring suspidehin o wakasan ng Google ang paggamit ng Customer sa apektadong Mga Serbisyo. Kung wawakasan ng Google ang apektadong Mga Serbisyo, magbibigay ang Google ng pro-rata na refund ng mga hindi naipon Bayarin na aktwal na binayaran ng Customer na naaangkop sa panahong kasunod ng pagwawakas ng naturang Mga Serbisyo.

      • 12.4 Pangkalahatan. Agad ipagbibigay-alam ng partidong naghahabol ng pagbabayad-danyos sa kabilang partido ang tungkol sa claim at makikipagtulungan ito sa kabilang partido sa pagtatanggol sa claim. Ang partidong nagbabayad ng danyos ay may ganap na kontrol at awtoridad sa depensa, maliban sa mga sumusunod na sitwasyon: (a) kapag iniatas ng anumang pag-aareglo sa partidong naghahabol ng pagbabayad-danyos na tumanggap ng sagutin o magbayad ng anumang halaga, kakailanganin ang paunang nakasulat na pahintulot ng partidong iyon, at ang naturang pahintulot ay hindi maaaring ipagkait o antalahin sa hindi makatuwirang paraan; at (b) maaaring sumali ang kabilang partido sa depensa nang may sarili nitong counsel sa sarili nitong gastos. ANG MGA BAYAD-PINSALA SA ITAAS AY ANG TANGING REMEDYO NG ISANG PARTIDO SA ILALIM NG KASUNDUANG ITO PARA SA PAGLABAG NG KABILANG PARTIDO SA MGA KARAPATAN SA INTELEKTWAL NA ARI-ARIAN NG ISANG THIRD PARTY.

    • 13. Limitasyon ng Sagutin.

      • 13.1 Limitasyon ng Hindi Direktang Sagutin. ALINSUNOD SA KASUNDUANG ITO, HINDI MANANAGOT ANG ALINMANG PARTIDO PARA SA MGA NAWALANG KITA O HINDI DIREKTA, ESPESYAL, NAGKATAON, KINAHINATNAN, HUWARAN O PAMPARUSANG DANYOS, KAHIT NA ALAM O DAPAT AY NALAMAN NG PARTIDO NA MAAARING MAGKAROON NG MGA NASABING DANYOS AT KAHIT NA HINDI NASASAPATAN ANG REMEDYO NG DIREKTANG DANYOS.

      • 13.2 Limitasyon sa Halaga ng Sagutin. WALANG PARTIDO NA MAAARING PANAGUTIN SA ILALIM NG KASUNDUANG ITO PARA SA HALAGANG LAMPAS SA HALAGANG IBINAYAD NG CUSTOMER SA GOOGLE DITO SA LOOB NG LABINDALAWANG BUWAN BAGO ANG KAGANAPANG NAGDULOT NG SAGUTIN.

      • 13.3 Mga Pagbubukod sa Mga Limitasyon. Ang mga limitasyon sa sagutin na ito ay nalalapat sa pinakamalawak sa saklaw na pinapahintulutan ng naaangkop na batas, ngunit hindi nalalapat sa mga paglabag sa mga obligasyon sa pagiging kumpidensyal, paglabag ng kabilang partido sa Mga Karapatan sa Intelektwal na Ari-arian ng isang partido, o obligasyon sa pagbabayad-danyos.

    • 14. Iba Pa.

      • 14.1 Mga Paunawa. Maliban na lang kung iba ang tinukoy dito, (a) ang lahat ng paunawa ay dapat nakasulat at iparating sa departamentong legal at pangunahing tauhan sa pakikipag-ugnayan ng kabilang partido at (b) ituturing na naibigay na ang paunawa: (i) kapag na-verify ng nakasulat na pahintulot kung ipinadala ng personal courier, overnight courier, o kapag natanggap kung ipinadala sa pamamagitan ng mail nang walang pag-verify ng pagtanggap; o (ii) kapag na-verify ng automated na resibo o mga electronic log kung ipinadala sa pamamagitan ng fax o mail.

      • 14.2 Pagtatalaga. Walang partido na maaaring magtalaga o maglipat ng anumang bahagi ng Kasunduang ito nang wala ang nakasulat na pahintulot ng kabilang partido, maliban sa isang Affiliate, ngunit posible lang ito kung: (a) sasang-ayon ang itinalaga sa pamamagitan ng pagsulat na mapailalim sa mga termino ng Kasunduang ito; at (b) mananatiling mananagot ang nagtalagang partido para sa mga obligasyong nakuha alinsunod sa Kasunduan bago pa ang pagtatalaga. Walang bisa ang anumang iba pang pagsubok na maglipat o magtalaga.

      • 14.3 Pagbabago ng Kontrol.Kapag nagbago ng kontrol (halimbawa, sa pamamagitan ng pagbili o pagbebenta ng stock, merger o iba pang anyo ng pangkumpanyang transaksyon): (a) ang partidong magkakaroon ng pagbabago ng kontrol ay magbibigay ng nakasulat na paunawa sa kabilang partido sa loob ng tatlumpung araw pagkatapos ng pagbabago ng kontrol; at (b) maaaring wakasan kaagad ng kabilang partido ang Kasunduang ito kahit kailan sa pagitan ng pagbabago ng kontrol at tatlumpung araw pagkatapos nitong matanggap ang nakasulat na pahintulot sa subsection (a).

      • 14.4 Force Majeure. Walang partido na mananagot para sa hindi sapat na pagganap na dulot ng isang kundisyon (halimbawa, natural na sakuna, giyera o terorismo, kaguluhan, kundisyon sa pagtatrabaho, pagkilos ng pamahalaan at pagkaputol ng Internet) na hindi saklaw ng makatuwirang kontrol ng partido.

      • 14.5 Walang Pagsusuko. Kapag hindi naipatupad ang anumang probisyon ng Kasunduang ito, hindi iyon ituturing na pagsusuko.

      • 14.6 Pagpapawalang-bisa. Kung mapag-alaman na hindi maipapatupad ang anumang probisyon ng Kasunduang ito, ang natitirang bahagi ng Kasunduan ay mananatiling ganap na may bisa.

      • 14.7 Walang Ahensya. Ang mga partido ay mga hiwalay na contractor, at hindi bumubuo ang Kasunduang ito ng ahensya, pagsososyo o joint venture.

      • 14.8 Walang Mga Third-Party na Makikinabang. Walang mga third-party na makikinabang sa Kasunduang ito.

      • 14.9 Patas na Lunas. Walang anumang bahagi ng Kasunduang ito na maglilimita sa kakayahan ng alinmang partido na humingi ng patas na lunas.

      • 14.10 Sumasaklaw na Batas. Ang Kasunduang ito ay saklaw ng batas ng California, bukod pa sa mga panuntunan sa choice of law ng estadong iyon. PARA SA ANUMANG HINDI PAGKAKAUNAWAAN NA MAGMUMULA SA O NAUUGNAY SA KASUNDUANG ITO, PUMAPAYAG ANG MGA PARTIDO SA PERSONAL NA HURISDIKSYON SA, AT SA EKSKLUSIBONG PAGDUDULUGAN NG, MGA HUKUMAN SA SANTA CLARA COUNTY, CALIFORNIA.

      • 14.11 Mga Pagbabago.Ang anumang pagbabago ay dapat nakasulat at dapat na malinaw nitong isaad na binabago nito ang Kasunduang ito.

      • 14.12 Pananatili ng Bisa. Mananatiling may bisa ang mga sumusunod na seksyon kahit na mag-expire o magwakas ang Kasunduang ito: Seksyon 3, 6, 7.1, 11.2, 12, 13, 14 at 15.

      • 14.13 Buong Kasunduan. Ang Kasunduang ito, at ang lahat ng dokumentong binanggit dito, ay ang buong kasunduan ng mga partido na nauugnay sa paksa nito at mananaig ito sa anumang nauna o kasanay sa mga kasunduan hinggil sa paksang iyon. Ang mga terminong matatagpuan sa isang URL at nabanggit sa Kasunduang ito ay kasama sa sangguniang ito.

      • 14.14 Pagbibigay-kahulugan sa Magkakasalungat na Termino. Kung may salungatan sa pagitan ng mga dokumentong bumubuo sa Kasunduang ito, magkakaroon ng kontrol ang mga dokumento sa ganitong pagkakasunud-sunod: ang Page ng Order, ang Kasunduan, at ang mga terminong matatagpuan sa anumang URL. Kung lalagdaan ng Customer ang isang pisikal na kasunduan sa Google upang matanggap ang Mga Serbisyo, mananaig ang pisikal na kasunduan sa online na Kasunduang ito.

      • 14.15 Mga Counterpart. Ang mga partido ay maaaring pumasok sa Kasunduang ito gamit ang mga counterpart, kasama na ang fax, PDF o iba pang mga electronic na kopya, na ituturing na isang instrumento kapag pinagsama-sama.

    • 15. Mga Kahulugan.

      • Tumutukoy ang "Patakaran sa Katanggap-tanggap na Paggamit" sa patakaran sa katanggap-tanggap na paggamit para sa Mga Serbisyo na makikita sa www.google.com/apps/terms/use_policy.html o iba pang URL na maaaring ibigay ng Google.

      • Ang "Account Manager" ay ang tauhan sa negosyo ng Google na nakikipagtulungan sa Customer hinggil sa pagbili ng Customer sa Mga Serbisyo.

      • Ang "(Mga) Admin Account" ay ang (mga) pang-administratibong account na ibinibigay ng Google sa Customer upang mapangasiwaan ang Mga Serbisyo. Nangangailangan ng password ang paggamit sa (mga) Admin Account, na ibibigay ng Google sa Customer.

      • Ang ibig sabihin ng "Admin Console" ay online na tool na ibinigay ng Google sa Customer para gamitin sa pag-uulat at ilang partikular na iba pang function sa pamamahala.

      • Ang "Mga Administrator" ay ang mga panteknikal na tauhan na itinalaga ng Customer na nangangasiwa sa Mga Serbisyo sa Mga End User sa ngalan ng Customer.

      • Ang "Mga Ad" ay mga online na advertisement na ipinapakita ng Google sa Mga End User.

      • Ang ibig sabihin ng "Affiliate" ay anumang entity na direkta o hindi direktang nagkokontrol, kinokontrol ng, o nasa ilalim ng karaniwang kontrol ng isang partido.

      • Ang ibig sabihin ng "Mga Feature ng Brand" ay ang mga pangalan sa pangangalakal, trademark, mga marka ng serbisyo, logo, domain name at iba pang mga makikilalang feature ng brand ng bawat partido, ayon sa pagkakasunud-sunod, na pana-panahong kinukuha ng nasabing partido.

      • Ang "Kumpidensyal na Impormasyon" ay impormasyong inilalahad ng isang partido sa kabilang partido sa ilalim ng Kasunduang ito na minarkahan bilang kumpidensyal o karaniwang ituturing na kumpidensyal sa mga ganoong sitwasyon. Ang Data ng Customer ay ang Kumpidensyal na Impormasyon ng Customer.

      • Ang "Data ng Customer" ay ang data, kasama na ang email, na ibinibigay, binubuo, ipinapadala o ipinapakita ng Customer o Mga End User sa pamamagitan ng Mga Serbisyo.

      • Ang "Mga Domain Name ng Customer" ay ang mga domain name na pag-aari o kinokontrol ng Customer, na gagamitin kaugnay ng Mga Serbisyo at tinukoy sa Page ng Order.

      • Ang "Pang-emergency na Isyu sa Seguridad" ay ang: (a) paggamit ng Customer sa Mga Serbisyo na lumalabag sa Patakaran sa Katanggap-tanggap na Paggamit, na maaaring makaantala sa: (i) Mga Serbisyo; (ii) paggamit ng ibang customer sa Mga Serbisyo; o (iii) network o mga server ng Google na ginagamit upang ibigay ang Mga Serbisyo; o (b) hindi pinapahintulutang access ng third party sa Mga Serbisyo.

      • Ang ibig sabihin ng "Mga End User" ay mga indibidwal na pinapahintulutan ng Customer na gumamit sa Mga Serbisyo.

      • Ang ibig sabihin ng "End User Account" ay account na hino-host sa Google na binuo ng Customer sa pamamagitan ng Mga Serbisyo para sa isang End User.

      • Ang "Mga Batas sa Pagkontrol ng Pag-export" ay ang lahat ng naaangkop na batas at regulasyon sa pagkontrol ng pag-export at muling pag-export, kasama na ang Export Administration Regulations ("EAR") na ipinapatupad ng U.S. Department of Commerce, mga parusa sa kalakalan at ekonomiya na ipinapatupad ng Treasury Department's Office of Foreign Assets Control, at ang International Traffic in Arms Regulations ("ITAR") na ipinapatupad ng Department of State.

      • Ang "Mga Bayarin" ay ang mga halagang ini-invoice ng Google sa Customer para sa Mga Serbisyo gaya ng inilarawan sa isang Page ng Order.

      • Ang "Help Center" ay ang help center ng Google na maa-access sa support.google.com, o iba pang URL na maaaring ibigay ng Google.

      • Ang ibig sabihin ng "Mga Napakamapanganib na Aktibidad" ay mga paggamit gaya sa pagpapatakbo ng mga nuclear na pasilidad, air traffic control o mga life support system, kung saan ang paggamit o hindi paggamit sa Mga Serbisyo ay maaaring magresulta sa pagkamatay, personal na pinsala o pagkasira ng kalikasan.

      • Ang "HIPAA" ay ang Health Insurance Portability and Accountability Act ng 1996, na maaaring pana-panahong baguhin, at anumang mga regulasyong ipinapatupad sa ilalim nito.

      • Ang "Unang Termino ng Mga Serbisyo" ay ang termino para sa naaangkop na Mga Serbisyo na magsisimula sa Petsa ng Pagsisimula ng Serbisyo at magpapatuloy sa loob ng 12 buwan (o, kung iba, ang tagal na itinakda sa Page ng Order).

      • Ang ibig sabihin ng "Mga Karapatan sa Intelektwal na Pag-aari" ay mga kasalukuyan at panghinaharap na pagdaigdigang karapatan alinsunod sa batas sa patent, batas sa copyright, batas sa trade secret, batas sa trademark, batas sa mga karapatang moral at iba pang mga katulad na karapatan.

      • Tumutukoy ang "Mga Produktong Hindi Google Workspace" sa mga produkto ng Google na hindi bahagi ng Mga Serbisyo, ngunit maa-access ng Mga End User gamit ang kanilang login at password ng End User Account. Nakasaad ang Mga Produktong Hindi Google Workspace sa sumusunod na URL: www.google.com/support/a/bin/answer.py?answer=181865, o iba pang URL na maaaring ibigay ng Google.

      • Tumutukoy ang "Mga Tuntunin ng Produktong Hindi Google Workspace" sa mga tuntuning makikita sa sumusunod na URL: www.google.com/apps/terms/additional_services.html, o iba pang URL na maaaring ibigay ng Google.

      • Ang "Email Address para sa Notification" ay ang email address na itinakda ng Customer upang makatanggap ng mga notification sa email mula sa Google. Maaaring baguhin ng Customer ang email address na ito sa pamamagitan ng Admin Console.

      • Ang "Page ng Order" ay ang online na page ng order na kinukumpleto ng Customer kapag nagsa-sign up para sa Mga Serbisyo o naka-attach sa Kasunduang ito, at naglalaman ng: (i) Mga Serbisyong ino-order; (ii) Mga Bayarin; (iii) bilang ng, at Unang Termino ng Mga Serbisyo para sa, Mga End User Account; (iv) naaangkop na paraan ng pagbabayad (hal. isang wastong valid credit card); at (v) Mga Domain Name ng Customer.

      • Ang "Petsa ng Pagsisimula ng Serbisyo" ay ang petsa kung kailan gagawing available ng Google para sa Customer ang Mga Serbisyo, at itatakda ito sa loob ng isang linggo pagkatapos matanggap ng Google ang nakumpletong Page ng Order, maliban na lang kung iba ang napagkasunduan ng mga partido.

      • Ang ibig sabihin ng "Mga Page ng Serbisyo" ay mga web page na nagpapakita ng Mga Serbisyo sa Mga End User.

      • Tumutukoy ang "Mga Serbisyo" sa mga naaangkop na Core na Serbisyo ng Google Workspace (hal. Google Workspace Premier Edition o Google Workspace at Google Vault) na ibinibigay ng Google at ginagamit ng Customer sa ilalim ng Kasunduang ito. Inilalarawan ang Mga Serbisyo rito: www.google.com/apps/terms/user_features.html, o iba pang URL na maaaring ibigay ng Google.

      • Ang "Termino ng Mga Serbisyo" ay ang naaangkop na Unang Termino ng Mga Serbisyo at lahat ng termino ng pag-renew para sa naaangkop na Mga Serbisyo.

      • Ang "SLA" ay ang Service Level Agreement na matatagpuan dito: www.google.com/a/help/admins/sla.html, o iba pang URL na maaaring ibigay ng Google.

      • Ang ibig sabihin ng "Pagsuspinde" ay agarang pagdi-disable ng access sa Mga Serbisyo o component ng Mga Serbisyo, kung naaangkop, upang maiwasan ang patuloy na paggamit ng Mga Serbisyo.

      • Ang "Mga Buwis" ay anumang mga duty, bayarin sa customs o mga buwis (bukod pa sa buwis sa kita ng Google) na nauugnay sa pegbebenta ng Mga Serbisyo, kasama na ang anumang mga nauugnay na parusa o interes.

      • Ang "Termino" ay ang termino ng Kasunduan, na magsisimula sa Petsa ng Pagkakaroon ng Bisa at magpapatuloy hanggang sa petsa na mas maaga sa (i) katapusan ng huling Termino ng Mga Serbisyo o (ii) kapag winakasan ang Kasunduan ayon sa itinakda rito.

      • Ang "Kahilingan ng Third Party" ay isang kahilingan mula sa third party para sa mga tala na nauugnay sa paggamit ng isang End User sa Mga Serbisyo. Ang Mga Kahilingan ng Third Party ay maaaring maging search warrant na naaayon sa batas, utos ng hukuman, subpoena, ibang may bisang legal na utos o nakasulat na pahintulot mula sa End User na nagpapahintulot sa pagbubunyag.

      • Ang ibig sabihin ng "TSS" ay mga serbisyo sa teknikal na suporta na ibinibigay ng Google sa Mga Administrator sa panahon ng Termino alinsunod sa Mga Alituntunin ng TSS.

      • Ang "Mga Alintuntunin ng TSS" ay ang mga alituntunin ng mga serbisyo sa teknikal na suporta ng Google na ipinapatupad para sa Mga Serbisyo. Ang Mga Alituntunin ng TSS ay nasa sumusunod na URL: www.google.com/a/help/admins/tssg.html o iba pang URL na maaaring ibigay ng Google.

      • Ang "Mga Termino ng URL" ay ang "Patakaran sa Katanggap-tanggap na Paggamit," ang "SLA" at ang "Mga Alituntunin ng TSS."